Entama la reforma del Estatutu d’Autonomía d’Asturies. Un remocique que pamidea va trayer poques novedaes y nel que les reivindicaciones asturianistes van tener una repercusión bien pequeña, por nun dicir nula. Manifestase va ser la única salida agora. Pero nun pueo escaecer que la manifestación que valía yera la de los ciudadanos votando nel mes de mayu pasáu y qu’esta foi otra oportunidá perdida pa influyir na configuración política del país dende les instituciones. Esa ye la realidá, nun tando nes instituciones, namás queda encomendase a una más qu’improbable asunción del discursu asturianista per parte del PP y el PSOE. A ver si polo menos el 24 de payares consiguimos amosar un apoyu social ampliu pa cola oficialidá del asturianu.
Ochobre 11, 2007 at 11:30 pm
Prestame ser el primeru n´escribir un mensax nun blog que ta acabantes de ñacer. El 24-P vémonos n´Uviéu.
Un saludu
Ochobre 19, 2007 at 2:21 am
Bones compañeru.
Cuanta verdá no que cuentes… foi una pena, tantes espectatives y esti prietu resultáu, pero nun ye hora de tener gacha la tiesta, hai que siguir, y el primer granín d’arena, el primer pasu, darémoslo’l 24 de Payares n’Uviéu, alomeyor hai milagru y polo menos tenemos oficialidá, lo que si tenemos que tar seguros ye qu’en casa nun fadremos un res, a la cai, a entamar y a siguir lluchando por esti llar nuesu, país, llingua y cultura.
Un abrazu.
PD: Fai tiempu que nun falamos, tamos dambos ocupaos, a ver si un día d’estos alcuéntrote conectáu.